«NOMAD SYNERGY» جشس توتەنشە جاعداي ەنگىزىلگەلى بەرى ەكىنشى رەت مەديتسينا قىزمەتكەرلەرىنە قولداۋ كورسەتتى.
وڭىرلىك كوممۋنيكاتسيالار قىزمەتىنىڭ مالىمەتىنشە, بۇل كاسىپورىن №2 وبلىستىق اۋرۋحانا مەن قالالىق جەدەل-جاردەم ستانتسياسىنا 1000 جۇپ مەديتسينالىق قولعاپ پەن HC-1 حيرۋرگيالىق جيىنتىقتىڭ 30 داناسىن تاپسىردى. بۇعان قوسا, قاۋىپتى ىندەتپەن كۇرەسىپ جۇرگەن 450 مەديتسينا قىزمەتكەرىنە تۇسكى اس جەتكىزدى. ⠀
«قاۋىپتى ۆيرۋسپەن كۇرەسىپ جاتقان دارىگەرلەردىڭ ەڭبەگى زور. ءبىز ولاردىڭ قاجىرلى ەڭبەگىن كەيىنگى ۇرپاققا ۇلگى ەتىپ, العىس ايتۋىمىز قاجەت. بۇگىنگى تارتۋىمىز – دارىگەرلەرگە دەگەن قۇرمەتىمىزدىڭ بەلگىسى. ءبىز ۆيرۋستى بىرگە جەڭەمىز» -دەيدى سەرىكتەستىك ديرەكتورى قانات راۋشانوۆ.
جۇماسات عازيز